KEREJA LATIH FONETIK ENGGAU FONOLOGI

1. Fonem /m/ dikumbai fonem idul bilabial bemunyi. Bepelasarka chunto siti leka jaku, pejuraika enggau silik chara sereta kereban artikulasyen ti dikena ngasilka fonem /m/.

2. Tulis baru leka jaku ti diripihka di baruh tu ngena simbol fonetik ke engkeman.

I. Manyi

ii. Kelaung

iii. Chire

iv. Nyangkung

vi. Changka

3. Jaku English ti ngembuan patah sebut "tion" disepil ke dalam jaku Iban berubah nyadi "syen". terangka bakani sepil nya tau berubah, lalu disempulangka enggau chunto ti seriran.

4. Terangka chara ngasilka munyi urup di baruh lalu beri chunto leka jaku ke seriran.

i. [p]

ii. [b]

iii. [t]

iv. [k]

KEREJA LATIH SEMANTIK

1. Beri guna tauka tuju jaku dalam ba pengidup raban bansa Iban ?

2. Beri definesyen sereta disempulangka enggau chunto ti nemban gentilang reti ba baruh tu :

i. Reti denotasyen

ii. Reti konotasyen

iii. Reti dalam konteks

iv. Kaul reti enggau daya idup

3. Giga lalu bejuraika struktur reti sereta disempulangka enggau chunto ti seriran.

i. Antonim

ii. Sinonim

iii. Hiponim

iv. Polisem

4. Ngiga sereta bejuraika bansa jaku dalam di baruh tu :

i. Sempama

ii. Jaku karung

iii. Jaku simbol

5. Terangka senentang teori nyata :

i. Harmoni enggau nyata

ii. Koheren enggau nyata

6. Kar Segi Tiga Semiotik Odgen enggau Richards. Terangka langkar asal ba segi tiga semiotik.

KEREJA LATIH MORFOLOGI 

1. Beri definesyen senentang ngaga pelasar atur sepil jaku Iban tauka kriteria sistem sepil :

i. Penulin

ii. Penyedang

iii. Pengelentur

iv. Praktikal

2. Beri definesyen morfologi nitihka 3 iku Anda tauka Tebangkar Jaku.

3. Terangka chara nempa leka jaku bepelasarka proses di baruh tu lalu disempulangka enggau chunto ti seriran.

i. Meri penambah ngagai leka jaku

ii. Betanduka leka jaku

iii. Beturuku leka jaku

4. Beri beberapa iti chunto leka jaku ke ditambah enggau penambah selit jaku nama 
    "-er- enggau -le-".

5. Ngiga sereta bejuraika tukuh leka jaku Iban lalu disempulangka enggau chunto ti seriran.

6. Ngiga sereta bejuraika kelas leka jaku Iban lalu disempulangka enggau chunto ti seriran.

KEREJA LATIH SINTAKSIS

1. Beri chunto beberapa iti ayat pasif dalam jaku Iban.

2. Juraika senetang proses transformasyen generatif dalam jaku Iban lalu beri chunto ti nemban.

i. Proses ningkil

ii. Proses nusun baru 

3. Terangka 4 iti pola ayat pelasar sereta enggau chunto ti seriran.

4. Juraika bida entara ayat pelasar enggau ayat tumbuh sereta beri chunto ti nemban.

5. Ngaraka konsep, sakum konstituen enggau atur ngaga ripih leka jaku ba ayat pasif jaku Iban.

6. Nguse sereta bejuraika proses transformasyen ti bisi nyadi maya nempa ayat pasif ari ayat aktif.

7. Terangka jaku pengawa ukai transitif ba baruh tu :

i. Bepenembu

ii. Enda bepenembu

8. Beri chunto ayat ba leman penerang dalam frasa adjektif di baruh tu :

i. Penerang banding

ii. Penerang penyuah

iii. Penerang tunga

iv. Penerang chara

vi. Penerang hal tauka gaya

vii. Penerang kebuah

viii. Penerang maya tauka timpuh 

xi. Penerang tempat

Kenangan bersama Mdm. Norzilah

http://aesnote.blogspot.com/search/label/EDU3103%20Murid%20dan%20Alam%20Belajar

http://ppismpbahasaiban.blogspot.com/2012/01/forum-jaku-iban.html

http://www.ipgkrajang.edu.my/

Gambar Simposium Jaku Iban 2014

Semantik (Teori Segi Tiga Semiotik)

Teori Segi Tiga Semiotik

Nitihka C.K Odgen enggau L.A Richards (1923) dalam bup “The Meaning of Meaning” reti iya ulih dipeda ba tiga iti komponen, iya nya lambang tauka simbol, pikir enggau pekara. Ketiga-tiga pekara nya bekaul rat enggau pangan diri. Teori Segi Tiga Semiotik tu dipenyadi bepelasarka tiga iti komponen iya nya keterubah simbol iya nya leka jaku tauka ayat. Kedua, pikir iya nya konsep ngagai utai ke disebut tauka utai ke dipikir dalam runding. Lalu ketiga referens iya nya pekara tauka penemu.

Nitihka Raminah Hj. Sabran enggau Rahim Syam (1987), simbol nya konstituen linguistik baka leka jaku tauka ayat, referens iya nya pekara lalu pikir iya nya konsep. Dalam Segi Tiga Semiotik, garis entara simbol enggau referens nya putus-putus laban tu nandaka kaul entara simbol enggau referens nya enda besekat.

Definesyen Fonetik Enggau Fonologi Nitihka Penemu Tebangkar

Raban : PISMP Bahasa Iban Semester 2

Tajuk : Definesyen Fonetik enggau Fonologi

1.    DAVID ABERCROMBIE (1971) :

Dalam bup iya Elements of General Phonetics, madahka fonologi tu sebengkah bidang lingustik ti ngembuan tukuh teknikal. Ari segi penemu, sesebengkah jaku dipeda sechara analitis, iya nya bejaku ukai semina ngemeranka pengawa mending tang begunaka kitai beratika chara organ artikulasyen nya beginsit. Lebuh maya bejaku, angin pansut ari rumbang nyawa ti ngasilka munyi, retinya angin bisi keluar masuk ari lempuang lebuh kitai enseput enggau bejaku.

2.    INDRAWATI ZAHID & MARDIAH SHAH OMAR (2006) :

Dalam bup seduai fonetik enggau fonologi, mantaika pansik pasal munyi jaku ti diasilka mensia. Dalam bup nya seduai iya ngupas baka ni munyi jaku mensia diasilka organ tauka rengka tubuh mensia,  lalu munyi tu bebida-bida entara siti munyi enggau siti munyi. Kelimpah ari nya, seduai iya mega beratika baka ni munyi jaku nya tau dikelaska nitih bansa munyi. Lalu pia mega, seduai iya mansik baka ni jalai peninga tau ngelala munyi ti diasilka orang ti bejaku enggau iya.

3.    PAITOON M. CHAIYANARA (2006) :

Dalam bup  Pengenalan Fonetik dan Fonologi, madahka semua munyi jaku pansut ari mulut mensia. Nya alai bidang fonetik mansik rengka tubuh mensia ti ngasilka munyi jaku.

4.    ABDULLAH HASSAN (2006) :

Dalam bup Linguistik Am, ti mansik leman munyi jaku ti dikena lebuh berandau. Iya mansik munyi ti didinga iya lalu munyi tu tadi dipechah-pechahka iya ngagai unit munyi ti mit agi, lalu udahnya nyeritaka nama pengka tauka biuh reti ngagai orang ti mendingka jaku nya. Iya mega nerangka ni bagi organ sebut ti ngasilka munyi jaku lalu nentuka sekalika munyi ti pansut nya begetar tauka enda, sekali peti sura nyawa nya tutup tauka tebuka. Ari nya tadi, munyi ti pansut nya tau dikelas ngagai vokal enggau konsonan. Munyi nya tadi mega tau ditranskripsyenka, reti nya diberi lambang tauka simbol. Lambang nya mih ti disebut kitai lambang fonetik. Nya alai Abdullah Hassan (ibid) mega mantaika pansik iya pasal sistem tauka struktur jaku. Nitihka penemu anda jaku tu, lebuh mansik fonologi tauka munyi jaku, kitai enda tau enda ngelala ni bagi fonem ti bisi dalam sesebengkah jaku lalu baka ni iya dikena dalam jaku nya. Fonem nya unit jaku ti digaga dikena ngemudahka pengawa ngaga deskripsyen sistem munyi tauka fonologi. Mensia ulih ngasilka mayuh bengkah munyi tauka fon tang semina beberapa bengkah fon aja ti distingtif tauka nyelai. Fon tu mih ti ditusun sereta didijir nyadi leka jaku kitai mensia.

5.    BERTIL MALMBERG (1968) :

Bup Manual of Phonetics, mantaika sekeda asil pansik munyi jaku. Pansik iya tu endang ngemeranka munyi jaku, iya nya unit ti diguna dalam leka jaku ke disebut orang ti bejaku. Lebuh orang ninga, pending napis munyi ti didinga. Nya alai untak nguji ngelala nama bagi munyi ke didinga sereta bebidaka munyi ti diasilka rengka artikulatori mensia. Lebuh maya tu, peninga bedau beratika reti munyi ti didinga iya, semina iya nguji ngelala bagi munyi nya aja.

6.    BERTIL :

Magi fonetik nya ngagaiempat bidang, iya nya penemu fonetik selampur (am), deskriptif, sejarah enggau normative. Penemu fonetik selampur mansik baka ni munyi diasilka sereta enggau fungsi mekanisme jaku iya nya ni bagi organ tauka rengka ti ngasilka munyi jaku nya. Penemu fonetik deskriptif mansik penyelai dalam sesebengkah jaku tauka dikumbai dialek. Iya mansik baka ni bida munyi entara jaku ti sama ulih ngasilka dialek.chunto iya, bida munyi dialek Melayu Kelantan, Kedah, Terengganu tauka Sarawak ari jaku Bahasa Melayu Standard. Penemu fonetik sejarah mansik bagi ubah fonetik sesebngkah jaku bepelasar ba gaya selampur jaku nya empu. pekara ti dipansik dalam hal tu iya nya raban jaku ti nyemilik jaku nya tauka elemen ti bisi sebaka enggau insur ti bisi nyadi ngagai jaku nya dalam kandang sesebengkah timpuh. Bidang penemu ti kepenudi iya nya penemu normatif. Bidang tu bepun ba penemu bala mayuh ti ngumbai jaku standard tauka norma endang bisi dalam raban linguistic enggau raban sosial. Nya alai bidang tu mansik atur tauka rurun ti nentuka jaku ke betul dalam sesebengkah jaku mensia. Jaku ti standard tu dipelabaka deka nyadi jaku ti formal ungkup sesebengkah raban bansa ba siti-siti genturung pendiau.

7.    J.D.O’CONOR (1984) :

Dalam bup phonetics, bisi ngupas penemu ti bekaul enggau munyi ti diasilka mensia. Munyi ti didinga nya tadi lalu diberi tukuh enggau fungsyen dalam raban bansa nya empu, tukuh enggau fungsyen jaku disempikutka sida enggau mesej ti deka dikenataika lebuh sida bejaku. Chunto iya, leka jaku bangku, pening ulih ngaga tukuh ba munyi /b/, /a/, /ng/, /k/, /u/. Tukuh tauka urup tau dipejantilka nyadi leka jaku /bangku/, lalu dipeda fungsyen iya sereta dikaitka enggau mesej ti deka dikenataika. Nya baru munyinya tadi ulih ditemu reti sereta diguna. Iya ke bendar komunikasyen endang udah berengkah dalam untak orang ti bejaku lalu ba peringkat tu, orang ti bejaku nya udah ngembuan dua fungsyen ti bebida dalam untak iya, iya nya fungsyen ngarang penerang enggau fungsyen ngenataika penerang.

8.    Fungsyen ngarang penerang dipeda ari penau orang ti bejaku nya nyimpan penerang ti bebida entara individu, iya nyasesiku orang ulih nyimpan penerang ti mayuh lalu sekeda mimit.  Lalu lebuh bejaku tauka bekomunikasyen, iya nguna semua penerang ti udah disempan iya. Ari segi fungsyen ngarang, orang tau ngidupka komunikasyen tauka randau, iya mega tau nguna penerang nyadika kereban dikena iya berinteraksyen enggau orang bukai lalu penerang nya tadi ngundan mesej ti deka dikenataika iya. Ba sentang fungsyen ngenataika penerang, orang nya tau bejuraika pasal pengawa untak iya nya rengka tubuh ti ngambi bagi lebuh ngasilka munyi. Untak ngenataika jaku padah ngagai saraf (nervous impulses) ti ngaul untak enggau gumpal organ ti betanggungjawab ngasilka munyi jaku iya nya lempuang, dilah, batang rekung enggau  ti bukai. lebuh maya ngasilka munyi jaku, bisi tiga bengkah proses nyadi, iya nya fonetik artikulasyen, fenoetik akustik enggau fonetik auditori.

Morfologi Jaku Iban (Tukuh Jaku Tunggal)

Tukuh Jaku Tunggal

Chunto jaku tunggal siti patah sebut :

Pola jaku	Chunto leka jaku
VV	au, ai
KV	tu, yu, ju, ru, ti, ni, ke, wa, wi
VK	It, as
KVK	soh, roh, bah, sen, bab
KKVK	stor, skel, draf
KVKK	teks, bank, golf, seks, volt, zink
KKKV	skru
KKKVK	skrip, straw

Jaku tunggal dua patah sebut :

Pola jaku	Chunto leka jaku
V + VK	aus, aur, ais, auh, aum, iar, ias
V + KV	aku, ubi, isu, ila, ela, adi, iri, ipa, aka, aji, iya, ini, aki, aya, ibu
V + KVK	emas, ubat, ikan, ubah, ulat, ilut, iris, akih, ujut, utan, ujan,  ubas, urat
VK + KV	undi, unta, umba, unda, unga, ampa, andu, imbu, inda, enda,  enti, anti, antu, engka
VK + KVK	umpan, untak, empat, ambun, umbak, undur, indik, unduh,  ampuh, ampun, endun
KV + V	dua, tua, sua, dia, bau, rua, riu, kia, bai, tai, tau, lua
KV + VK	Paut, kait, pait, baum, baur, buan, daun, gaul, giut, jauh, gauk
KV + KV	jala, pasu, buku, garu, buka, rata, mata, leka ,kita, bisu, kera,  gaga, kaki
KV + KVK	kapal, pukul, bakul, jarum, mulut, kilum, kulum, dugal, bilah,  burit, kepil, kepit, pulai, parai
KVK + KV	lampu, sunti, sendi, danji, tanju, dunju, gambit, panti, penti,  sampi, tampi, kempi
KVK + KVK	bintang, sandar, tanduk, tampas, tampuk, sampal, nimbal,  mintih, muntis, lambar, umang, sambal, buntak
KV + VV	buai, tuai, diau, biau, miau, buau

Sintaksis (Jaku pengawa)

NEPU ANAK IKAN KE DALAM PEGUNG

(Pegari volume 50, Topik : Berita Betanam Betupi)

Ikan dalam pegung tau ditupi sebansa aja (monoculture), tau mega bechampur lebih ari sebansa (polyculture) lalu tau mega ditupi begulai enggau udang galah. Anak ikan ke deka ditepu ke dalam pegung patut sama pemesai ngambika sida enda bealahka pangan diri berebutka pemakai.

            Siti ari pekara ke patut ditemu kitai iya nya chara ikan pegung tu makai. Bisi tiga chara ikan pegung tu makai iya nyamakai nyerapung ba kulit hari ai (surface feeder), makai ba tengan ai (plankton feeder) enggau makai ba burit pegung (bottom feeder). Ikan pegung ke makai ba kulit hari ait u baka kap rumput, lampan jawa enggau kalui, ikan ke makai ba tengan ai nya baka kap pirak, sepat siam enggau tilapia lalu ikan ti makai ba burit pegung nya baka Lee Koh, patin enggau keli. Ba jalai nupi ikan pegung ngena chara polyculture, ikas penyampau ikan ti patut ditupi nitihka chara ikan nya makai (surface:plankton:bottom feeders) iya nya 3:2:1 tauka 5:3:2 tauka 2:1:1. Nupi ikan ngena chara tu manah laban pemakai ke diberi ngagai ikan dalam pegung nya enda tebasau pia ja.

            Anak ikan tau ditepu seminggu sepengudah pegung diberi sum laban maya tu pemakai asal ikan baka pitoplankton enggau zooplankton diadang ending udah bisi dalam ai pegung. Penyampau ikan ke ditepu dalam pegung nya bepanggai ba bansa ikan ke ditupi enggau pemesai pegung kitai.

            Maya ti engkeman alai ngelepaska anak ikan ke dalam pegung iya nya tumu pagi tauka muak ke lemai endar, maya mata panas nyau deka terunjam padam ngambika pengangat ai dalam pegung enggau pengangat ai dalam kambut plastic ti alai nepu anak ikan nya enda kelalu jauh betingka laban pengangat ti kelalu jauh betingka nya tau ngujungka anak ikan nya “stress” lalu mati maya ti dilepaska ke dalam pegung.

            Sebedau ngelepaska anak ikan dalam kambut plastik ke ngundan oksigen ke dalam pegung, rendam dulu kambut plastic anak ikan nya ke dalam ai pegung kira-kira sepengelama 15 minit awakka pengangat ai dalam kambut plastic nya lebih kurang sama enggau pengangat ai di dalam pegung.

Saut Tanya : Nguse Konstituen Frasa Kereja Bepelasarka Siti Lumpung Karang Ke Dipilih

Konstituen tauka leman pengisi frasa pengawa nya jaku pengawa transitif tauka jaku pengawa ukai transitif nyadika teras frasa pengawa. Jaku pengawa transitif mesti ditangkanka objek tauka leman bukai. Jaku pengawa ukai transitif tau mega bediri Kediri tauka ditangkanka leman bukai. Tu nunjukka frasa pengawa tau nyadi ari dijir leka jaku pengawa ukai transitif enggau jaku pengawa transitif dalam ayat pelasar.

Pasuk frasa pengawa :

i.              Jaku bantu + jaku pengawa transitif + objek + penerang

ii.             Jaku bantu + jaku pengawa transitif + ayat komplemen + penerang

iii.            Jaku bantu + jaku pengawa ukai transitif + penembu + penerang

iv.           Jaku bantu + jaku pengawa ukai transitif + ayat komplemen + penerang

      Nguse Jaku Pengawa/Kereja Dalam Lumpung Karang Jaku Pengawa :

1.    Berebutka

2.    Makai

3.    Ngelepaska

4.    Nupi

5.    Nepu

6.    Terunjam

Jaku pengawa ke udah dipasifka :

1.    Ditupi

2.    Ditepu

3.    Diberi

4.    Dilepaska

Jaku Pengawa Transitif (Ngundan Objek) :

1.    Anak ikan ke deka ditepu ke dalam pegung patut sama pemesai ngambika sida enda bealahka pangan diri berebutka (FK) pemakai (Objek).

2.    Ba jalai nupi (FK) ikan (Objek) pegung ngena chara polyculture.

3.    Maya ti engkeman ngelepaska (FK) anak ikan (Objek) ke dalam pegung nya iya nya tumu pagi tauka muak ke lemai endar.

4.    Maya mata panas nyau deka terunjam padam ngambika pengangat ai dalam pegung enggau pengangat ai dalam kambut plastik ti alai nepu anak ikan nya enda kelalu jauh betingka.

Jaku Pengawa Intransitif (Nadai Ngundan Objek) :

1.    Ikas penyampau ikan ti patut ditupi (Jaku Pengawa Pasif) nitihka chara ikan nya makai (FK).